Ez zen ezustekorik izan herenegun Azpeitian jokatu zen Urrezko Aizkora Txapelketako finalean. Floren Nazabal izan zen garaile, eta alde handiarekin, gainera. Bigarren Aitzol Atutxa geratu zen, eta Otaegi zizurkildarra eta Rekondo leitzarra hirugarren eta laugarren geratu ziren, hurrenez hurren.
Sei lan egin zituzten, eta horietatik lauretan Etxarrikoa izan zen nagusi. Bigarenari ia hiru minutuko aldea atera zion, hirugarrenari lau minutuko aldea, eta laugarrenari ia bostekoa.