San Isidro edo Baserritarren Eguna ospatuko dute gaur, eskualdeko hainbat herritan. Usadioak eguneratuz, hamaika ikuskizunez gozatzeko aukera egongo da han eta hemen. Apaizek ere gogotik egin beharko dute lan, herri gehienetan meza ematea tokatuko baitzaie gaurkoan. Ondoren, mahaiaren inguruan elkartuko dira baserritarrak.
Herri kirolak
Asteasun erakustaldi ederra antolatu dute gaurko. Alde batetik, Joxe Barriolaren idi parea ariko da 1.500 kiloko pisua mugitzen, eta bestetik, Itxaso Arrutiren zaldiak 1.200eko harria ibili beharko du. Plaza gehien egiten dituenak irabaziko du erronka.
Zizurkil Goian ikuskizuna pilotariek eta aizkolariek jarriko dute bazkal aurretik. Azken hauei dagokienez, punta-puntako herri kirolariak ikusteko aukera egongo da, besteak beste, Joseba Otaegi, Jon Irazu eta Unai Otaño izango baitira tartean. Pilotariei dagokienez, etorkizunean zeresana emateko gogoz dabiltzan gazteak ariko dira lehian.
San Isidro Eguneko egitarauak
Abaltzisketa
12:30. San Joan Deunaren elizan, meza.
13:30. Bazkaria Ermentañen.
Alkiza
21:00. Alkizako Udalak antolatuta afaria egingo dute Ostatu jatetxean.
Amasa
10:30. Meza.
Ondoren. Hamaiketakoa elkartean.
13:00. Larrañaga eta Goirisaletxe bertsolariak, eta Kupela taldea.
14:00. Bazkaria Iturri Goxo Jatetxean.
20:30. Lagun arteko afaria, elkartean.
Amezketa
12:00. Amezketako Udalak erretirodunei hamaiketakoa emango die Zazpitturri elkartean.
Asteasu
11:00. Meza.
13:00. Erakustaldia probalekuan. Joxe Barriolaren idi parea, Itxaso Arrutiaren zaldiaren aurka.
14:00. Bazkaria Sarasola sagardotegian, Julio Soto eta Jexux Mari Irazu bertsolariekin.
Ondoren. Trikitilariekin erromeria.
Baliarrain
Hilaren 18an, larunbatean. Urteroko moduan afaria egingo dute, larunbatean, 21:00etan, Zartagi Jatetxean. Izena emateko eguna gaur amaituko da; udaletxeko 943 88 90 03 telefono zenbakira deitu behar da.
Berrobi
16:00. Toka txapelketa, bingoa eta merienda Solastoki elkartean.
20:30. Baserritarrekin Iriarte jatetxean afaria.
Berastegi
12:45. Prozesioa udaletxetik San Martin elizara, txistularien laguntzarekin.
13:00. Meza.
14:00. Bazkaria egingo dute udaletxeko erabilera anitzeko gelan.
Ondoren. Trikitilariek alaituko dute bazkalosteko giroa.
Leaburu-Txarama
Eguerdian. Bazkaria Leaburuko Ostatu jatetxean.
17:30. Asiako liztorren inguruko hitzaldia, Julian Urkola Gipuzkoako Erlezainen Elkarteko lehendakariaren eskutik. Leaburuko erabilera anitzeko gelan izango da hitzaldia.
Ibarra, Izaskun
13:00. Izaskungo ermitan meza.
Zizurkil Goia
11:00. Meza.
12:00. Pilota partidak frontoian: Peru Labaka-Jon Erasun zizurkildarrak Iker Espinal-Gaizka Iruretagoienaren aurka.
Ondoren. Aizkolariak: Joseba Otaegi eta Oihan Larretxea Jon Irazu eta Unai Otañoren aurka, txanda librean.
14:00. Bazkaria egingo dute Plaza Etxeberrin, bertsolari eta trikitilariekin.