Bihar, arratsaldeko zortzietatik aurrera, Ez gara Palestinaz ari ikuskizun arrakastatsuaz gozatzeko aukera izango da Larraulgo elizan. Imanol Kamio, Ander Lizarralde, Unai Muñoa eta Aitor Atxegak osatutako laukotearen emanaldiak, antzerkia, bertsoak, pianoa, gitarra, akordeoia eta poesia uztartzen ditu, eta kritika onak jasotzen ari da.
Musika asteburua Asteasun
Asteasun, musika asteburua antolatu du EBIA kultur taldeak. Bihar, gaubela keltiarra izango da Iturriondo jatetxean, Limerick taldearen kontzertuarekin. Larunbatean, arkupetako erromeria izango da Tapia eta herriko trikitilariekin, arratsaldeko seietan. Igandean, berriz, Andoaingo Musika Bandak kontzertua eskainiko du frontoian 12:30ean. Aurretik, kalean zehar ibiliko da.