Maxurrenea Herrintzat plataformak jarri berri du abian Leitzako Maxurrenea eraikina herriari bueltatzea eskatzeko sinadura bilketa. Sinadurak herriko taberna eta komertzioetan, zein udal bulegoetan bilduko dituzte, eta horrez gain, krosaren egunean zein KulturAsteko bi igandeetan mahaia jarriko dute Leitzako plazan.
Hain zuzen ere, Torrea herrikoa, Gaztañaga, Landaberri, Peritza, Txoko, Musunzar, Adur, Leitzarra, Beatrizenea, Zortziko, Ogiberri eta Zirkulo tabernatan udaletxean eta liburutegian, Maimur eta Astiz liburudendatan, Sarrio lantegian eta gaztetxean jarri dute sinatzeko aukera.
Leitzako Sortuk bat egin du sinadura bilketarekin, eta herritar guztiak deitu dituzte sinatzera. Sinadura bilketaz gain, hilaren 22rako elkarretaratzera deituko dituzte herritarrak.