Zizurkilen dagoen Huyck Wangner enpresako langileek beste behin egin dute elkarretaratzea Tolosako Trianguloa plazan. 74 familia arriskuan daudela ohartarazi dute, eta enpresak lantegia itxi nahi izatea erabaki estrategikoa dela eta ez ekonomikoa. Datorren ostiralean dute langileek enpresarekin hirugarren bilera, enpresak bigarren espedientea aurkeztu ondoren. Aurretik, ostegunean, langileek Gipuzkoako Batzar Nagusietan euren egoera azalduko dute.