EH Bilduk Nafarroako Gobernuan aurkeztu duen zentsura mozioaz eta hauteskundeen eskariaz hitzaldia antolatu du Leitzako ezker abertzaleak. «Nafarroan agintean egon diren eliteak gure herrialdea galbidera eramaten ari dira», azaldu dute. Bada, azken gertakariez hitz egingo dute, datorren ostegunean, hilaren 11n, 19:30ean, Leitzako udaletxean. Bixente Goikoetxea izango da hizlaria. Bestalde, bihar Iruñean Yolanda Barcinaren dimisioa eskatzeko egingo den manifestaziora deitu dituzte herritarrak.