Intujai Teatro taldeak Non utzi nuen nire klowna? ikastaroa antolatu du hilaren 6 eta 7rako. Hastapeneko klown ikastaroa izango da, eta edonork eman dezake izena. May Gorostiaga izango da irakaslea.
Hamabi orduko ikastaroa izango da, eta 10:00etatik 13:00etara eta 15:00etatik 18:00etara izango du ordutegia. Amarotzeko auzo etxean izango da ikastaroa, eta 70 euro ordaindu beharko da. Izena emateko, intujai@intujai.net helbide elektronikora idatziz edo 647 201 401 telefono zenbakira deituz eman daiteke.