Euskadiko Pilota Txapelketaren finalak jokatu ziren iragan asteburuan, eta eskualdeetako hainbat pilotari egon ziren bertan. Kadeteetan, banaka, finala Bidegoiango Ander Urdapilletak eta Leitzako Eskuderok jokatu zuten. Gipuzkoarrak irabazi zuen 18-14ko emaitzarekin.
22 urte azpikoen mailan, binaka, Eneko Labaka-Iñigo Labaka hamarrean gelditu ziren. Albizturko eta Anoetako pilotariek Etxaniz-Aizpururen aurka galdu zuten finala.
Bestalde, Bidegoianen iragan ostiralean Berdintasun Eguna ospatu zuten, joko eta guzti. Lehenik eta behin bi pala partida jokatu zituzten, eta Aburuza-Ruiz-Senperenak osatutako hirukoteak irabazi zuen lehen lehia,
20-14ko emaitzarekin, Larrarte-Larrarte II-Dorronsororen aurka. Herritarren partidaren ondoren, Hernaniko bi bikote irten ziren kantxara.
Intxurreko pilotariei dagokionez, bihar, Nagusien Hirugarren Mailako partida jokatuko dute Ikaztegietan, Legazpiren aurka, 19:30ean.