Lara Arruabarrena tenislari tolosarrak, ezustekoz harrapatu zuen Roberta Vinci italiarra, eta Indian Wells txapelketako partida irabazi zion; final zortzirenetarako sailkatu da, horrela. Maria Sharapova errusiarra izango du hurrengo aurkaria.
Partida luzea izan zen, Arruabarrenak eta Vincik jokatu zutena; Faboritoen zerrendan hamalaugarrena zen Roberta Vinci, baina hala ere, 2-6, 6-4 eta 6-4ko emaitzarekin gailendu zen tenis jokalari tolosarra.
Lehen seta esfortzu handiegirik gabe irabazi zuen italiarrak, baina bigarren eta hirugarren txandetan, lehen sakeaz baliatu zen Lara Arruabarrena, jokoa bere aldera eramateko. Norgehiagokako unerik zailenetan ere, ez zuen bere burua galtzailetzat jo tolosarrak.