Etxeetarako egur loteak eskatzeko epea zabalik dagoela gogorarazi du Aresoko Udalak. Interesa dutenek, martxoaren 8a baino lehenago eman beharko dute izena udaletxean bertan. Azken urteetan bezalaxe, hiru aukera jarri dituzte herritarren eskura: zutik tokian botatzea 30 euroan, pista ondora ateratzea 65 euroren truke edo etxe ingurura ekartzea 165 euroan. Loteak 5,5 tonakoak izango dira eta aurten Utezar parajeko pago eta haritzekin osatuko dituzte.