Irrati eta telebistetako iragarpenekin bat egin, eta pasa den larunbat goiza zuri esnatu zen Tolosaldean eta Leitzaldean. Tolosako eta Bedaioko argazkiek erakusten duten moduan, urrutira joan gabe elurraz gozatzeko aukera izan da. Tenperaturak ere baxuak izan dira, eta gaur arte iraungo du elur denboraleak, iragarpenen arabera. Atzo errepideak normaltasunera itzuli ziren, baina Berastegira eta Bidegoianera doazen bideak autoentzat itxita izan ziren igandean.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!