Erabakita geratu dira, pasa den asteburuan, Nafarroako Bertsolari Txapelketako finalaurreko saioak. Horrela, beraz, Migel Mari Elosegi Luze leitzarrak, Elizondoko saioan, taulagainean, ondoan izango dituen bertsolarien izenak ezagutu ditu.
Datorren martxoaren 9an abestuko du Luzek, Elizondoko Lur aretoan, eta Julen Zelaieta, Aimar Karrika, Oier Lakuntza, Xabi Maia eta Saioa Alkaiza ariko dira kantuan, berarekin batera.
Saio honetarako, nahiz beste guztietarako sarrerak eskuragarri dira jada, www.bertsosarrerak.eu web atarian.