Astelehenean esku pilota izango da Tolosako Beotibarren: Xala-Barriola Ezkurdia-Zubietaren aurka
Tolosa Tolosako Usabal kiroldegian gaur, Tolosako futboleko infantil txikien partida izango da, 11:00etatik aurrera: Tolosa-Mundarro. Berazubin, aldiz, futboleko jubenileko Euskal Ligako Tolosa CF-Ariznabarra izango da 11:00etan, eta Tolosa CF-Ostadar, 16:30ean. Ibarrako Belabietan eta Tolosako Eskolapioetan, aldiz, nazional 3. mailako areto futbola izango da; Laskorain-Santurtzi 18:00etan, Ibarran, eta Tolosala-Gora, ordu berean, Tolosan. Erremonte jaialdia Erremontea ere izango da, bihar. Beotibarren, Oriamendik antolatuta, txapelketa azkarra izango da 17:30ean. Endika-Ion, Urtasun-Barrenetxea IV.aren aurka ariko dira lehenik eta Urriza-Agirrezabala Ezkurra II.a-San Miguelen kontra gero. Finalarena izango da hirugarren partida. Esku pilotari dagokionez, astelehenean, 16:30ean, Tolosako Beotibarren Leitzako Barriola ariko da Xalarekin Ezkurdia-Zubietaren aurka. Yves Xalak lesio baten ondorioz, ez ditu jokatu azken partidak eta Jon Jaunarena gazte leitzarrak ordezkatu du, baina astelehenerako ondo egongo dela esan du.