Leitzako Mendibil mendi taldeak urteko lehen mendi irteera antolatu du larunbat honetarako, hilaren 19rako. Hain zuzen ere,
Pasai Donibanetik Hondarribiraino joango dira, Jaizkibeldik igarota.
Talaien bidetik izenekotik izango da Mendibil taldeak proposaturiko ibilbidea. Lau ordu eta erditan egiteko moduko ibilbidea da, eta zailtasunik gabekoa, familia osoak egiteko aukera, beraz. Larunbatean 07:30ean irtengo dira Oialde paretik. Autobusez egingo dute joan-etorria, eta 14:30ak ingururako aurreikusi dute itzulera.
Mendi irteera honetan parte hartu nahi dutenek Leitzako
Astiz edota Maimur liburudendetara jo beharko dute edo mendibilaurrera@hotmail.com helbidera idatzita eman ahalko dute izena. Aurrera elkarteko bazkide direnek 5 euro ordaindu beharko dute, eta bazkide ez direnek, berriz, 10 euro. Izena emateko azken eguna bihar, osteguna, izango dela jakinarazi dute.