Euskal Bobinak 2013 sariak banatuko dituzte datorren urtarrilaren 18an, eta Amaia Ruiz tolosarra urteko emakumezko aktore onenaren saria jasotzeko izendatuen artean dago.
http://www.cinevasco.com webgunea Alain Xalabarde zine zuzendariak sortu zuen duela urte bete, eta urteurrena ospatzeko antolatu dute. Horrela beraz, film, aktore, musikari eta zuzendari onenak webgunean bertan bozka emanez aukeratuko dituzte bisitariek.
Amaia Ruizekin batera, Ylenia Bagliettok, Miriam Cabeza Sainzek, Yannick Vergarak eta Eva Ugartek jaso dute aktore onenaren izendapena.
Urteko dokumental onena
Izaskun Arandia zuzendari tolosarraren To Say Goodye filmak ere, urteko dokumental onena izateko izendapena jaso du.
Ventanas al interior, Pura Vida, Zuloak eta Gazta Zati Bat lanekin batera lehiatuko da Euskal Bobinak 2013 sarietan.