Asteburuan hasiko da zine ziklo berria, eta bihartik aurrera salgai izango dira txartelak. Gainera, urte amaiera dela eta, 2x1 filmak izango dira.
Bihar, 17:00etatik 19:00etara, Leidorreko leihatila zabalduko dute txartelak saltzeko, eta zine saioen aurretik ere eskuragarri izango dira. 12 euroren truke, edozein saioz gozatu ahal izango da, eta 9 euroko bonoarekin, berriz, gaueko saioetara soilik joan ahal izango da.
Honakoak dira, Leidorren eskainiko dituzten filmak: Cosmólis, La vida de Pi, Pura vida, La pequeña Venecia, Reality, Skyfall, Chef, La parte de los Ángeles, Conociendo a Matsuko, Las Sesiones, El Hobbit eta Amanecer 2.
Aipatzekoa da, zine saioetan bi egun berezi izango direla, eta bi pelikula baten prezioan eskainiko dituztela. Abenduaren 28an, 5 euroren truke, El Hobbit eta Sinister ikusi ahal izango dira. Urtarrilaren 2an, berriz, Amanecer 2 eta The host eskainiko dituzte, film baten prezioan.
2x1 saioetako sarrerek, 3,5 euroko prezioa izango dute gazte txartela dutenentzat, nahiz bonodunentzat.