EAJ alderdiarekin hainbat urtetan Tolosako zinegotzi izandako Patxi Ezkiaga Ormazabal tolosarra hil da, 55 urte zituela, minbiziak jota. EAJko Gipuzko Buru Batzarreko kide ohia zen, eta Lizartzan ere izan zen hautetsi.
Joseba Egibarren laguntzaile nagusietakoa izan zen Ezkiaga, GBBn. Joseba Egibar aurten, berriro, Gipuzkoako EAJko presidente hautatu zutenean, bere hitzaldian GBBen ezagututako lagunen aitortza egin zuen, eta, batez ere, Patxi Ezkiaga aipatu zuen, 1987tik izan baitzuen kide, zuzendaritzan.
Tolosaldeko Apattaerreka industriguneko Tailsako kudeatzailea ere izan zen Patxi Ezkiaga.