Azken hamarkadako lanen bilduma eta Poca Tripa txarangaren diskoa dira zigiluaren argitalpen berrienak
Duela hamabost urte hasi zuen, Bonbereneak, bere ibilbide oparoa, eta berau ospatzeko, urtea amaitu bitarte, kulturaz zipriztindutako egitaraua antolatu dute.
Pasa den asteartean Pirritx eta Porrotxek hainbat haur bertaratu zituzten San Esteban auzoko eraikinera, eta bihar bertan, The Sparteens eta Anai Arrebak taldeen kontzertua izango da 22:30ean.
Astebururo izango dira musika emanaldiak, eta besteak beste, Elkano Browning Cream, Makala DJ, Naiz Roxa, R, Cobra, Barrua Truk, Glaukoma eta Atila y los Unos taldeek eskainiko dituzte, Bonberenean, urteko azken kontzertuak.
Horrez gain, ordea, nabarmentzekoak dira Bonberenea Ekintzak zigiluaren argitalpen berrienak. Poca Tripa txarangak, esaterako, bere 50. urteurrenaren harira, disko eta liburua aurkeztuko du datorren abenduaren 21ean, eta Bonberenea ekintzak 2002012 bilduma argitaratu du, azken hamarkada errepasatuz. Gainera, Durangoko azokan ere postua jarriko du Bonbereneak.
Egitaraua
Azaroak 30, gaur
22:30. Futbolin txapelketa.
Abenduak 1, bihar
22:30. Kontzertuak: Anai Arrebak eta The Sparteens.
Abenduak 3, Astelehena
Zea Mays-en Sortuz, grabitatearen aurka diskaren berrargitalpena kalean.
Abenduak 4, Asteartea
Bad Sound System taldearen diska berria kalean.
Abenduak 5-9
Bonberenea Ekintzak Durangoko azokan izango da, Barrenkale 11n.
Abenduak 13, Osteguna
19:00. Sua filma.
Abenduak 14, Ostirala
22:30. Kontzertua: Willis Drummond.
Abenduak 15, Larunbata
22:30. Kontzertuak: Elkano Browning Cream eta Makala DJ.
Abenduak 21, Ostirala
19:00. Poca Tripa txaranga, 50 urte disko eta liburuaren aurkezpena.
Abenduak 22, Larunbata
11:00. Kalejira.
14:00. 15. urteurrenaren bazkaria.
Abenduak 23, Igandea
21:00. Afaria.
23:59. Su artifizialak.
Abenduak 26, asteazkena
22:30. Mus txapelketa.
Abenduak 27, Osteguna
22:00. Maika Makowski.
Abenduak 28, Ostirala
22:30. Naiz Roxa, R eta Cobra.
Abenduak 29, Larunbata
22:30. Barrua Truk, Glaukoma eta Atila y los Unos.
Abenduak 30, Igandea
19:00. Anari.