Gipuzkoako Foru Aldundiak proiektu honekiko «konpromiso falta» erakutsi duela nabarmendu dute
2013ko aurrekontuetan Topic zentroari diru laguntza handiagoa emateko eskatu dio PSE-EEk, Gipuzkoako Foru Aldundiari.
Gloria Vazquez sozialistak, 2012. urtean Topic zentroak euskal erakundeen nahiz espainiarren aldetik jaso dituen laguntza ekonomikoak gogora ekarri ditu Batzar Nagusietan: «Zehazki, Patxi Lopezen Eusko Jaurlaritzatik 125.000 euro, Espainiako Kultura Ministeriotik 94.000 euro eta udalaren aldetik 35.000 euro jaso ditu. Foru Aldundiak, berriz, 13.000 eurorekin soilik lagundu dio zentroari», gaitzetsi zuen Vazuqezek.
Markel Olanoren garaiako nahiz oraingo aldundiak, proiektu honekiko «konpromiso falta» duela uste dute sozialistek, eta kultur arloan, bereziki Donostia 2016en Topic-ek izango duen tartea medio, laguntzak handitzeko eskatu dute: «Orain ez da kultur proiektuak gelditzeko garaia».