‘Ura’ eta ‘Harrikumeak’ obrak gorpuzten ari dira

Eskulturastearen asmoetako bat kultura kalera ateratzea da. Eguraldiak atzo  asko lagundu ez bazuen ere, pixkana gorpuzten ari dira lehiaketan bigarren eta hirugarren saria eskuratu zituzten obrak. Daniel Mera Trianguloa eta Zerkausiko terrazaren artean gauzatzen ari da Ura izeneko lana (goiko argazkian). Atzo, esaterako, probak egiten aritu zen ur bonbarekin. Bere aldetik, Elena Aitzkoa Harrikumeak proiektua egiten ari da Alondegia plazan (beheko argazkian). Haurren bisita jasotzen ari da arratsaldeetan, beraiek ekarritako elementuekin gauzatzen ari baita gero plazan jarriko dituen eskulturak.