Donostia 2016 ekimeneko Olatu Talkaren barruan, gaur, Tolosan hainbat ekitaldi izan dira.
Box.A elkartekoek David Juarez arkitektoa gonbidatu dute eta 11:00etatik aurrera, espazio publikoen berreskuratzearen inguruko hitzaldia eman du, kultur etxean. Ondoren, elkarteko kideek baratze mugikorrak egin dituzte, hau da, zabor edukiontziak moldatu eta baratze bihurtu dituzte.
Bestalde, ekimenak Zerkausian ere egin du talka; kontsumo taldeen ekoizleei eta Zerkausiko baserritarrei erositako produktuekin bazkaria banatu baitiete herritarrei, bost euroren truke. Bakoitzak bere mahai tresna eta platerak eraman ditu. Bazkaria eta gero Gainditzen gorren elkarteko Julian Rodriguezek bakarrizketa eskaini die bazkaltiarrei.