Santa Maria musika kaperak omenaldia egin berri die aurreko hiru zuzendariei, Migel Zeberio, Luis Mari Gartzia, eta Ander Letamendia; eta organista ohiari, Pepe Arzellus. Joxe Mari Villanueva egungo lehendakariak azaldu duenez, «orain 30 urte inguru, musika kapera galtzeko zorian izan zen, eta, besteak beste, omendutako hiru zuzendari ohiei eta organista ohiari esker lortu zen erakundeari eustea». Igandean izan zen omenaldia. Lehenbizi Santa Maria parrokiko mezan abestu zuen musika kaperak. Ondoren, Fronton jatetxean egin zuten ekitaldia. Argazkian, Zeberio, Arzellus, Luis Orduña egungo zuzendaria, Gartzia eta Letamendia.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!