Supermerkatu bateko hiru langile protagonista izango dira, Hirukide ikastetxeko hainbat ikaslek gaur eskainiko duten Hiru gabe bi antzezlanean. Leidor aretoan izango da, 18:00etan. Doan ikusi ahal izango da lana.
Hirukideko Batxilergoko 2. mailako zazpi ikaslek antzerki talde bat osatu zuten ikasturte hasieran, eta bi irakasleren gidaritzapean euskarazko antzezlan bat prestatzen aritu dira iorain arte. Antzezlanean, supermerkatu bateko kutxan lan egiten duten hiru emakume izango dira pertsonaia nagusiak, eta antzezlana umoretik joango da, komediaren generoa landuz.
Sarrera doan eskainiko dute Eroskiren laguntzaz, eta Hirukide Antzerki Taldeak tolosar guztiak gonbidatu ditu.