Tolosaldeko Herrira mugimenduak, datorren larunbatean Bilbon izango den bizi osorako espetxe zigorraren aurkako manifestaziora joateko deia egin du.
Deialdian, Pello Odriozola tolosarra «parot doktrinaren aitzakiapean oraindik espetxeratuta» dagoela gogora ekarri dute, eta bide horretan, Auzitegi Konstituzionalaren erabakiaren aurka protesta egitera joateko beharra azpimarratu dute.
Eskualdean, hainbat autobus antolatuko dituzte Bilbora joateko. Batetik, Anoetako Itzuli tabernan jarriko dute zerrenda. Alegialdeko autobusean izena eman nahi duenak, berriz, ohiko lekuetan egin beharko du. Azkenik, Berastegi, Berrobi eta Elduainen ere antolatuko dute autobusa; izena udaletxeetan eman ahal izango da, eta Berastegiko Urepele elkartean ere bai. Kasu honetan, haurrek eta langabetuek ez dute autobusik ordaindu beharko.