Bilgune Feministak antolatuta autodefentsa feminista ikastaroa egin dute gaur goizean, Tolosako kultur etxean. Emakume ugari bildu dira bertan, eta helburua emakumeei beren burujabetza indartzen laguntzea izan da. Izan ere, eraso bat saihestu eta honi aurre egiteko baliabideak izan behar dira, eta horiek ematen saiatu dira Bilgune Feministako bi kide.
Ikastaroa, hala ere, ez da defentsa teknika soiletan oinarritu, emakumeenganako bortizkeriaren oinarriak eta zergatiak aztertu dituzte, ohiko ahultasun rola suntsitzen laguntzeko.