Hutsik daude Tolosako kaleak. Komertzio eta taberna guztiek bat egin dute, Raxoiren gobernuak onartu berri duen lan erreformaren aurkako greba orokorrarekin, eta geldirik da herria. Sindikatuek jakinarazi dutenaren arabera, "erabatekoa" izaten ari da greba eskualdean, eta piketeek ez dute hika-mika handiegirik izan; Alegiako bi kooperatibetan sartzen saiatu dira goizean, eta Ertzaintza etorri da segituan.
Arratsaldean, manifestazioa Trianguloa plazatik irtengo da, 18:30ean.