Uraren Munduko Eguna dela eta, Tolosako Udalak, 09:00etan postua jarri du Trianguloa plazan. Bertatik pasa diren herritarrei, uraren kontsumoari dagozkion datu eta aholkuak eman dizkiete.
Herritar bakoitzak, uraren erabilera arrazoizkoa eta jasangarria izatea sustatzen dituzten konpromiso batzuk onartu dituzte: dutxa hartu bainatu ordez; eskuak edo hortzak garbitzerakoan iturria itxi; arropa edo ontzi garbigailua beteta daudenean jarri; ura aurrezteko gailuak erabili; ez utzi iturria irekita ur freskoa irten arte, hozkailuan izan ur botila bat;... eta konpromisoak sinatu ostean, zurrusta hausteko jaso dute, etxeko iturrian jarri ahal izateko.
Bertako produktuekin osatutako saski bat zozketatu dute, Tolosar bakoitzak egunean zenbat litro ur gastatzen duen asmatu dutenen artean.