Amalur jardunaldien hirugarren saioa izango da, gaur, 19:30ean, Topic zentroan. Roman Morales Garcia izango da hizlaria eta kayak batean Hegoamerika nola zeharkatu zuen kontatuko du. Bi urtez, 2005etik 2007era, 10.500 kilometro osatu zituen kayakean Paraguay, Parana, Guapore, Madeira, Amazonas, Negro, Casiquiare eta Orinoco ibaietan barrena. Ibai horiei jarraituz, Buenos Airestik Venezuelaraino ia etenik gabe luzatzen den ubide erraldoi bat lotu zuen. Presarik gabe, patxadaz eta gondolari erritmoan, desagertzeko arriskuan den paradisu natural batean murgilduko da eta ibaiaren giza balioak deskubrituko ditu. Gaur emango duen Ur bideak hitzaldia, bidaia haren kontakizun zirraragarria da.