Ero-Etxe krosaren 25. urteurrenaren ekitaldien baitan, bihar, asteazkena, mahai ingurua antolatu dute. Topicen izango da, 11:00etan, eta batez ere ikastetxeetako gaztetxoei zuzendua da. Aurten Olinpiar Jokoak izango direla eta, hiru kirolari izango dira bertan, hiruak Olinpiar Jokoetan parte hartzeko asmoa dutenak: Mikel Odriozola ibilketaria, Oiana Blanco judoka eta Ekaitz Saies piraguista. Iñigo Asensio izango da ekitaldiaren aurkezle eta bideratzailea. Mahai inguruaren asmoa "kirolaren baloreen inguruan aritzea da, helburu handiek exijitzen duten esfortzu eta dedikazioa, eta bestetik, bide horretan ikasketei eskaini dieten garrantziaren berri ematea".