Parekidetasun sailak bultzatuta eta Mugarik Gabe elkarteak antolatuta, indarkeria matxistarekin amaitzeko ekimen berezia egin berri dute. Kultur etxean egin zen eta jende ugari joan zen. Zapalduen Antzerkia metodologia erabiliz, eztabaida bilera partehartzailea eta antzeztua burutu zuten. Lehenbizi egoera bat antzeztu zen, eta bertan, emakumezkoa gizonezkoaren menpe zegoen. Horren ondoren, eztabaida sortu zen, eta antolatzaileek parte hartu zutenei gonbidatu zien taula gainera igotzera, eztabaidan azaldutakoa antzezteko. Hala, antzeztutako egoeran aldaketak egiten joan ziren eztabaidan parte hartutakoek.