Amaitu da Gabonetako Shanti areto futbol Txapelketa. Urtero bezala, gaztetxo ugarik hartu du parte ekimen honetan. Hain zuzen ere, 61 talde aritu dira, 600 lagun baino gehiago, nesken parte hartzea nabarmentzekoa izan delarik.
Bada, igandean jokatu ziren finalak Usabal kiroldegian, eta ondorengo taldeek irabazi zuten: benjamin nesketan, Zurrunbiloak; benjamin mutiletan (2003), Txispa; benjamin mutiletan (2002), Laskoraingo Tigreak 2; Alebin nesketan, Sua 11; eta alebin mutiletan, Iurre taberna taldeak.