Inauteriko konpartsa eraikitzeko Ferialekua erabili nahi dutenek, datorren astelehenetik aurrera prest egongo dela jakinarazi dute udaletik.
Ferialekua erabili nahi dutenek aurretik tokia eskatu behar dute kultur etxean. Bertan oinarrizko datuak eskatuko dizkiete (izen abizenak, telefonoa, plataformaren neurriak...). Horrekin batera, bere konpartsa egiteko tokia esan eta giltza emango zaie inauterizaleei.
Udaletik azaldu dutenez, ez da onartuko kultur etxean izenik eman gabe zuzenean tokia hartuko duen talderik.
Txarangen bilera
Udaletik bilera batera deitu dituzte Inauterietan parte hartu behar duten txarangak. Datorren astelehenean izango da bilera, hilaren 9an, kultur etxean, eta 19:00etan hasiko da.