Euskal Mendizale Federazioak antolatzen duen mendiko eskiko denboraldiari laster ekingo diote. Lehendabiziko proba urtarrilaren 8an izango da, Aretteko eski estazioan, eta berrikuntzekin dator. Izan ere, erlojupekoa izango da, eta I. Antxon Bandres Memoriala izena jarri diote, «mendiko eskia bultzatzen egindako lan handiagatik».
Gizonezko eta emakumezkoek, kadete, junior eta nagusien mailan lehiatuko dira, eta promesen eta beteranoen azpikategoriak ere izango dira.
Irailaren 27an hil zen Antxon Bandres, eta besteak beste, Mendi Federazioaren presidente izan zen.