Tolosako Gabonetako Azoka Berezia izan da gaur goizean. Eguraldi traketsa egin badu ere, aterkia hartu eta jendea animatu da Tolosara joaten. Aurten 20. aldiz egin dute Gabonetako Azoka Berezia. Era guztietako jakiak, animaliak, landareak eta bitxiak zeuden postuetan banatuta.
Azokaren barruan Odolki Lehiaketa ere izan da. Irabazlea, Orioko Kepa Loidi izan da, eta bigarrena Beasaingo Julian Mujika.