Aurtengo Titirijai jaialdiaren inaugurazioa egin berri dute. Ohi bezala, Aranburu jauregiko erakusketarekin eman diote Tolosako txotxongilo jaialdiari hasiera. Inaugurazioan, besteak beste, Ibai Iriarte Tolosako alkatea, Ana Arretxe Ekinbide Etxeko lehendakaria, Pierre Alain erakusketaren koordinatzailea eta Cristina Fischer Madrileko Suitzako enbaxadaren kultur agregatua izan dira.
Suitzako txotxongiloari leihoa da erakusketaren izenburua, eta herrialde horretako txotxongiloen historia laburbiltzen du. Hain justu, jaialdiaren inaugurazioarekin bat, Pierre Alainek erakusketaren nondik norakoa azaldu die ekitaldira joan direnei. Bestalde, lehenengo emanaldia Bulgariako Pro Rodopi taldearen eskutik izango da, 20:00etan, Topic aretoan.