Tolosako Udalak eta emakume artisten taldeak indarkeria matxista salatzeko hainbat ekimen burutu zituzten, atzo, Indarkeria Matxistaren Aurkako Egunean. Herriguneko tren geltokiko tunela zuriz margotu zuten eta kartelak jarri zituzten bertan. Horrez gain, bakarrizketak, ipuin kontaketak, muralak margotu eta film laburrak ikusi zituzten, "kalea eta gaua emakumeenak ere badirela" aldarrikatuz. Ekitaldien ondoren, Bilgune Feministak deitu zuen elkarretaratzearekin bat egin zuten. Trianguloa plazan 60 lagun inguru elkartu ziren, eta indarkeria matxistaren aurka instituzioetan "borondate politikorik" ez dagoela salatu zuten, EAEko eta Nafarroako legeak aipatuz.