Udarekin batera, igerilekuetako eta hondartzetako denboraldia hasten da. Hau dela eta, Minbiziaren Aurkako Elkarteak, Ez utzi eguzkiak zure perfileko argazkia aldatu dezan izeneko kanpaina abian jarri du. Helburu nagusia eguzkiaz babesteko jarrera egokiak bultzatzea da. Bihar eta hilaren 22an, Usabal kiroldegian izango dira elkarteko kideak, melanina frogan dohainik egiteko.