Igarondo Urpekoak taldeak antolatutako Roberto Jauregiren omenezko Hegats Igeriketa Txapelketa ari dira jokatzen Usabalen. Goizean 10:00etan hasi dira lehian, eta bazkaltzeko tartea hartu eta gero, 16:00etan jarraituko du lehiaketak. IX. jardunaldi honetan Espainiako bost erkidegoko 160 igerilari ari dira parte hartzen, horietatik 17 tolosarrak direlarik.
Igarondo Urpekoak taldeak 30 urte betetzen ditu aurten, eta hori dela eta txapelketa antolatzearekin batera, gaur Kasinon afalduko dute.