Naturaldia jardunaldien baitan, Felix Rodriguez de la Fuente naturalistari eskainiko diote gaurko hitzaldia eta proiekzioa. La huella de Félix deiturapean, eta arratsaldeko 19:30etik aurrera, hitzaldia eta El hombre y la tierra pelikula izango dira ikusgai.
2004. urtean sortu zuten Felix Rodriguez de la Fuente fundazioa, haren senitartekoek. Helburua naturalistaren bizitza, lana eta ondarea gordetzea eta ezagutaraztea izan zen. Hain zuzen ere, fundazioko zuzendaria den Odile Rodriguez de la Fuente izango da, Jordi Sargatalekin batera, hizlarietako bat, Topic-en.