Tolosako Azokak + Kilometro 0 ekimeneko aurtengo bigarren jardunaldia izan da gaur goizean Zerkausian, larunbateroko azokaren barruan. Astelena jatetxeko Pello Doyhartzabal sukaldaria izan da garaiko produktuak erosi, eta herritarren aurrean mokadu goxoa prestatzen. Doyharzabal goizean goiz hasi da lanean. Lehendabizi, Zerkausitik itzuli bat eman, eta osagaiak erosi ditu. Ondoren, herritarren aurrean sukaldatu du, eta platera amaitzean guztien artean banatu. Saltsa berdean egindako urdaiazpikoz betetako orri-mamiak prestatu ditu. Urdaiazpikoa Bidegoianen hazten diren euskal txerriarena izan da.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!