Edurne Pasabanek atzo aurkeztu zuen Hamalau aldiz zortzi mila (Catorce vecez ocho mil) liburu biografikoa. Liburua Josep María Pintoren laguntzarekin idatzi du, eta Planeta argitaletxeak argitaratu du.
Pasabanek liburua idaztea edozein zortzimilako igotzea baino zailagoa izan dela adierazi du. Izan ere, liburua idazterakoan hainbat oroitzapen gogoratu behar izan ditu; baita oso gogorrak izan diren zenbait une ere.
Liburuan batez ere mendiaz hitz egiten duen arren, Edurneren, beraren, sentimendu pertsonalei buruz ere hitz egiten du.
14 zortzimilakoak igo ondoren, orain bi helburu ditu buruan Pasabanek. Bata, Everest mendia oxigenorik gabe igotzea. Eta bestea, pertsonalagoa, familia bat osatzea.