Info7 irratiak bost urte beteko ditu hilaren 27an. Hori dela-eta irratiaren berri eskualdean zabaltzeko goiz pasa egin zuten Tolosako Trianguloa plazan larunbatean. Irratsaioa zuzenean egin zuten eta postu bat jarri zuten plazan erretako txerriaren pintxoekin. Eider Elduaien irratiko kideak azaldu duenez, «oso gustura gaude bai langile taldea, bai herri ekimenekoak ere» egunak emandakoarekin. «Irratsaioan eskualdeko hainbat jende izan zen eta gai ugari jorratu ziren». Plazan sortu zen giroa «oso polita izan zen», azaldu du eta irratiaren berri zabaltzearen helburua lortu dutela. Proiektua egonkortzeko beharrezkoa den laguntza ekonomikoa eman nahi duenak irratiaren webgunean sartu eta bazkide egiteko aukera duela azaldu du Elduaienek. Info7 entzungai da eskualdean, FM 97.7an.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!