Gabonetako Shanti Torneoko finalak izango dira bihar jokoan Usabal kiroldegian. 09:30ean hasiko da lehendabizikoa eta hortik aurrera, goiz guztian zehar futbol partidak ikusteko aukera izango da.
Lehendabiziko benjaminen mailakoak hasiko dira. Batetik, neskak, eta bestetik, mutilak (2002 urtean jaioak). Ondoren, 11:00ak aldera, alebinen txanda izango da. Neskak ariko dira baloiari ostikoka. Gero, benjamin mutilak berriro, baina oraingoan, 2001ean, jaiotakoak. Azkenik, 12:30 inguruan hasiko da azken finala, alebin mutilena.