Larunbateroko ohiko azokaz gain, gaur eta bihar Lur Kolektiboak antolatutako artisautza azoka izango da. Trianguloan kokatu dituzte postu guztiak: jatekoak, pitxiak, jostailua eta era guztietako produktuak ikus eta eros daitezke. Gaur, eguzkiak ere agertu nahi izan du eta jendeak ez du hutsik egin azokan. Galiziar erara prestatuta jakiak dastatzeko aukera ere izan dute bertaratuek. Eta oso euskal produktua den taloa ere gaurkoan Tolosan izan da.
Hala ere, Idi txuleta izango da nagusi egun hauetan. Gaurko afariarekin emango diote hasiera eta hilaren 8a bitarte, idi txuleta dastatzeko aukera izango da. Parrillak piztu eta erretegi erraldoi bilakatuko da Zerkausia. Bertan emango dituzte bazkari eta afariak. Idi txuletaz gain, zainzuriak, urdaiazpikoa eta piperrak eta Tolosako gozoak jango dituzte.