Bedaioko Artubi elkartean biltzeko aitzaikia izan zuten larunbatean mus txapelketa, patata tortilla lehiaketa eta gaztainak tarteko. Mus txapelketan 10 bikote aurkeztu ziren eta Zugastibarreneko Miel eta Alaitz atera ziren garaile. Arkume eder bat izan zuten saritzat. Ondoren patata tortilla lehiaketan haur, gazte eta helduek izan zuten sukaldeko trebeziak erakusteko aukera, eta guztietatik Bedaio Bitarteko Ana Jauregi, Aitor eta Igor bere bi semeekin izan ziren garaileak. Saria, bi pertsonentzako afaria Abaetxe jatetxean. Ondoren, bertara hurbildu ziren guztiek lehiaketako tortillekin eta gaztainekin afari eder bat egiteko aukera izan zuten.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!