Bihar 17:00etarako prest egongo da Arrameleko behin betiko biribilgunea. Azken bi asteetan, trafiko mugimenduak mugatu dituzte biribilgunearen inguruan, eta horrek zenbait aldaketa ere eragin ditu autobus zerbitzuan. Alabaina, lanak aurreikusi baino lehenago amaituko dituzte, eta bihar arratsaldean irekiko dute Arramaleko biribilgunea eta zubia.
Era berean, Zumarditxikiaren aldamenean dagoen Santa Klarako autobus geralekua martxan izango da berriro, Rondilla kalekoaren ordez. Hurrengo egunetan, mozketaren bat egon daiteke, baina puntuala izango da, lan txikiagoak egiteko; hala nola, farolak jartzeko.