Goizean, Bedaioko Azoka Berezia egin dute auzoko frontoian. Aurtengo gaia artzaintza izan da, eta azoka osatu duten postuetan ez dute hutsik egin bertako eta garaiko produktuak nahiz artisauen lanak: ogiak, barazki freskoak, haragia, postreak, gazta, eztia, gaztaina erreak, taloak, ukenduak, olio naturalak, puntuzko eskulanak, eskuz egindako bitxiak eta pilotak. Produktuak erosteaz gainera, artzaintzarekin lotutako tresnak ikusteko aukera izan dute azokara gerturatu direnak, eta ohi moduan, animalien erakusketa ere egin dute baserritarrek. Mondejuaz gainera, talo postua ere izan da.