Jose Ignacio Asensio (Tolosa, 1966), Ingurumeneko eta Obra Hidraulikoetako foru diputatua, ez da berriro izango PSE-EEren hautagaia Gipuzkoako ahaldun nagusi izateko. Sare sozialetan zabaldu duen bideo baten bidez jakinarazi du erabakia, eta esan du, nahiz eta erabaki pertsonala izan, Gipuzkoako PSE-EEren egiturarena ere badela. Azken urteetan Gipuzkoako Foru Aldundian aritu da Asensio; Ingurumeneko eta Obra Hidraulikoetako diputatua izan zen 2015etik 2023ra bitartean, eta baita Jasangarritasun departamentuaren buru eta lehen diputatu nagusiorde ere. Tolosarrak Azahara Dominguezi (Irun, 1990) eman dio lekukoa. Dominguez 2019tik 2023ra Berrobiko Udaleko zinegotzia izan zen.
Asensio ez da ahaldun nagusi izateko PSEren hautagaia izango
2026ko urriaren 5a
Jose Ignacio Asensio tolosarrak jakinarazi du datozen hauteskundeetan ez dela PSE-EE alderdiaren Gipuzkoako ahaldun nagusirako zerrendaburua izango.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!