Banaezinak. Natura eta gizakia: historia partekatu bat erakusketa urriaren 30era arte egongo da zabalik Aranburu jauregian, asteartetik larunbatera, 17:00etatik 20:00etara. Gizakiak Historiaurretik gaur egunera arte naturari lotuta egin duen ibilbideari buruzko hausnarketa dela esan du Aranzadi Zientzia Elkarteak. Erakusketaren helburuen artean honako hauek daudela gaineratu du: «Gure ikertzaileen lan zientifikoari balioa ematea, Gipuzkoako natura- eta kultura-ondare aberatsaren bitxikeriak zein balioak nabarmentzea, eta fokua zientzian jartzea garapenaren funtsezko elementu gisa». Gainera, material zientifiko ugari bildu dute, eta material etnografikoa ere badago ikusgai: adibidez, Mutrikuko leize batean berreskuratutako bisonte-garezur baten erreplika, mikroskopioak, historiaurreko aizkora bat edo Aranzadi Zientzia Elkartearen Etnografia eta Ondare Bildumako bestelako pieza etnografiko batzuk.
Gizakiak naturarekiko duen harremana, erakusketa batean
2026ko urriaren 1a
'Banaezinak. Natura eta gizakia: historia partekatu bat' erakusketa ikus daiteke Aranburu jauregian. Aranzadi Zientzia Elkartearen erakusketa bat da, eta gizakiak naturarekin duen harreman historikoa du ardatz.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!