Juantxo Zeberiok eta Maddi Oihenartek hiru lan egin dituzte elkarrekin, eta horietatik azkena Lur da. Beste biak Ilhargi-min (2003) eta Baldi (2010) dira. Zuzenean aurkezten ari dira orain, eta Tolosan izango dira urriaren 9an, ostiralean, Topic-en 20:00etan. Sarrerak salgai daude jada. Oholtzan Angel Unzu gitarra-jotzailea eta Miren Zeberio biolin-jotzailea ere ariko dira.
Lur diskoko 11 abestiak taularatuko dituzte. Laneko hitzak Itxaro Borda eta Leire Bilbao idazleenak dira, baita Oihenartek berak eta Zeberiok idatzitakoak ere. Zuberoako kantu herrikoiak bildu dituzte, baita Mikel Laboaren Lili bat kantuaren bertsio berezi bat ere.